Brimil tók skotskan trolara

Leygarkvøldið tók Brimil skotska trolaran Venture IV, sum fiskaði á friðaðum øki í ein útnyrðing úr Mykinesi. 

Venture IV var í einum kassa, sum eitur H. Hann var stutt innanfyri, tá hann var tikin.

Kassin hevur verið friðaður fyri trolveiðu í minst 20 ár. 

Trolarin fekk boð um at sigla til Havnar. Har fekk skiparin sektaruppskot.

Brimil, vaktarskip

Brimil tók Venture IV á friðaðum øki í ein útnyrðing úr Mykinesi. (Savnsmynd)

Fiskað í eitt samdøgur

Hann skal eisini gjalda virðið á fiskinum, sum hann hevði.

Tað var ikki nógv, tí hann hevði fiskað í minni enn eitt samdøgur.  

Venture IV fór av Havnini tíðliga í gjárkvøldið suður á Munkagrunnin.

Tá hevði hann veitt trygd fyri pengunum, sum hann skal gjalda.