Víðka kirkjugarðin í Fuglafirði

Ætlanin er at víðka kirkjugarðin í Fuglafirði, og í tí sambandi er uppskot um broytingar í byggisamtyktini fyri Fuglafjarðar kommunu lagt fram alment.

Uppskotið, ið snýr seg um at broyta tveir maktriklar frá at vera “sethús og bústaðarøki” til at vera “almennir stovnar”, kann síggjast á kommunuskrivstovuni.

Fuglafjarðar kommuna eigur longu teir báðar matriklarnar og sethúsini, sum standa á øðrum teirra.

Møgulig mótmæli ella broytingaruppskot skulu vera Fuglafjarðar kommunu í hendi í seinasta lagi tann 8. oktobur.