Líkið av kvinnuni er funnið

Fyri løtu síðani var líkið av kvinnuni funnið, sum hevur verið saknað, síðani seksæringurin Naddoddur holvdist um sekstíðina seinnapartin í gjár út fyri norsku strondini.

Tað upplýsir norska politiið fyri norskum miðlum.

Talan er um eina kvinnu í 20-unum, sum er úr Meksiko, men býr í Orlando í Florida, USA.

Líkið var funnið nakrar hundrað metrar frá Naddoddi.

Vit tosaðu fyri løtu síðani við Vincent Roos frá JRCC Stavanger, ið váttar, at kvinnan er funnin:

Seks fólk vóru við Naddoddi, og hini fimm sluppu við lívinum.

Tey bjargaðu eru fýra fólk úr Sveis og føroyingurin Livar Nysted úr Hvannasundi, sum í gjárkvøldið fekk givið boð frá sær og sagt familjuni, at hann var á lívi.

Naddoddur legði frá landi hjá bátafelagnum á Tvøroyri seinnapartin leygardagin, eftir at ferðin fleiri ferðir var útsett fyri veður.