- Tíðindi, mentan og ítróttur
17 frítíðarbátar yvir 100 ár
![](https://kvf.fo/sites/default/files/styles/grein-ovasta-mynd/public/fullsizeoutput_1cc4.jpeg?itok=lI7wsNmu)
Miðalaldurin hjá frítíðarførum í Føroyum er høgur, og hann er hækkandi, vísa tøl hjá Sjóvinnustýrinum.
Í ár er miðalaldurin 42 ár.
Av teimum 2.771 førunum í flotanum eru 1.414 millum 31 og 50 ár.
Merkisvert er eisini, sigur Sjóvinnustýrið, at 17 føroysk frítíðarfør eru yvir 100 ára gomul.
Einki regluverk var fyri frítíðarbátar fyrr enn í 1994, tá ES setti í gildi ein frítíðarbátastandard.
Tað eru tí bara bátar yngri enn 30 ár, sum eru bygdir sambært hesum standardi.
Nógv sleip
Tøl hjá Vørn siga, at boð vóru eftir bjargingarfeløgunum 44 ferðir at sleipa bátar til lands í fjør.
Tá er talan um bæði frítíðarbátar og vinnufør.
Hendan gongdin heldur fram í ár.
Í gjár var Brimil eftir einum útróðrarbáti, sum fekk trupulleikar við róðrinum.
Hann var á Norðhavinum.
Brimil sleipaði bátin til Eiðis.