Borgarstjóri breyt lóg

Borgarstjórin í Sørvági breyt kommunustýrislógina, tá borgarstjórin tók eitt mál aftur úr rættinum, uttan samtykt frá kommunustýrinum.

Tað sigur Kommunala eftirlitið, sum fekk klagu um gerð borgarstjórans.

Kommunala eftirlitið sigur, at borgarstjórin helt ikki stykki trý í grein 21 í kommunustýrislógini, tá borgarstjórin vegna kommunustýrið avgjørdi at taka aftur stevning, sum kommunustýrið hevði samtykt.

Stykki trý í grein 21 sigur, at borgarstjóri kann taka avgerð í málum, sum ikki tola at bíða, ella har eingin orsøk er til iva.