Neyðtøkumálið: Nevningatingið tekur støðu til skuldarspurningin í dag

Føroya Rættur er farin at draga samanum í stóra neyðtøkumálinum. 

Ein 21 ára gamal maður hevur alla vikuna sitið á ákærubonkinum, ákærdur fyri neyðtøku og neyðtøkuroynd av gentum, yngri enn 15 ár, umframt onnur brot á revsilógina.

Flestu brotini, maðurin er ákærdur fyri, vóru framd í fjør, eitt var í 2022 og eitt í 2021.

Nevningating

Talan er um eitt nevningating - tá er kravið um revsing í minsta lagi fýra ára treytaleys fongsulsrevsing.

Nevningatingið byrjaði í Føroya Rætti mánadagin, og seks dagar eru settir av. 

Í dag skal nevningatingið taka støðu til skuldarspurningurin - tað vil siga, um maðurin er sekur ella ósekur. Verður hann funnin sekur, so fer nevningatingið væntandi at áseta revsingina á rættarfundinum mánadagin. 

Dómsviðgerðin, prosduran, har ákærin og verjin draga saman um málið og føra fram síni seinastu sjónarmið, áðrenn málið verður tikið upp til dóms, byrjaði fyrrapartin.