Kommunufelagið tekur undir við talgildari tinglýsing

Kommunufelagið tekur fult undir við talgildari tinglýsing.

Umhvørvismálaráðið hevur sent uppskot um at broyta tinglýsingarlógina í hoyring.

Endamálið við lógarbroytingini er at fáa fulla talgilda tinglýsing.

Borgarstjórafundurin í Kommunufelagnum hevur viðgjørt uppskotið og tekur fult undir við tí.

Kommunufelagið mælir eisini til, at í skiftistíðini verður tinglýsingin meiri talgild, enn hon er í dag.

Felagið sigur, at sannlíkt tekur tað nógv ár at gera eina serstaka og vælvirkandi skipan til endamálið. 

Tí heitir felagið staðiliga á politisku skipanina um í hesi skiftistíð at skapa neyðugu lógarheimildirnar fyri, at verandi mannagongdir kunnu gerast meiri talgildar.