Vilja flúgva hægri á Sandoynni

B71 er meir enn fótbóltur. 

Í høllini inni í Dal venja upp ímóti 100 íðkarum flogbólt. Felagið leggur stóran dent á 'flogbørn' og hevur eisini nøkur landskappingarlið í ymsum aldursbólkum.

Tá børnini gerast eldri, vaksa krøvini eisini, ásannar samskiparin, Jonna Jensia Thomsen, og tí leitar felagið eftir einum venjara.

 - Tá gerst neyðugt at fáa onkran við meira royndum suður, og tað er so tað, sum vit eru í gongd við nú, segði Jonna Jensia Thomsen.

 - Vit hava søkt eftir venjara, og vit høvdu vónað, at havt ein nú flogbólturin byrjar aftur, men enn hevur tað ikki borið á mál. Men tunnilin er her, vit hava góðar umstøður, so vit hopa at fáa onkran suður at venja saman við okkum.