Sjónvarpskjakið fer neyvan at avgera forsetavalið

Tóri Højgaard, ið fylgir væl við í amerikonskum politikki, heldur ikki, at nakar greiður vinnari var, tá forsetavalevnini hittust í beinleiðis sjónvarpskjaki.

- Báðir partar kunnu grundgeva fyri, at tey stóðu seg best.

Tað var klokkan tvey í nátt, at Kamala Harris og Donald Trump vóru í hólmgongu á sjónvarpsrásini ABC.

Hetta var fyrsta beinleiðis kjak teirra millum. Enn er ikki greitt, um fleiri kjakfundir vera áðrenn valið, 5. november.

Flestu veljarakanningar siga, at tað er púra javnt millum forsetavalevnini, men sum valskipanin er skipað, skal Harris fáa væl fleiri atkvøður fyri at verða vald.

Í løtuni bendir okkurt á, at Trump hevur fyrimun, metir Tóri Højgaard, viðmerkjari.