Mariukirkjan og Kerit hvør sín matrikul

Almenna byggisamtyktin fyri økið, har sum Mariukirkjan er, skal broytast, so Mariukirkjan og kleystrið Kerit kunnu gerast hvør sín matrikul.

Matrikulstovan hevur noktað at sundurbýta, uttan serstøk byggisamtykt verður gjørd fyri økið.

Umsitingin hjá Tórshavnar kommunu heldur ikki, at neyðugt er at gera nýggja serstaka byggisamtykt.

Broyta orðing í almennu byggisamtyktini

Men fyri at forða fyri óvissu í framtíðini og loyva Mariukirkjuni at standa á egnum matrikli, uttan at umsitingin ger serstaka byggisamtykt, heldur umsitingin tað vera skilabest at broyta orðingina í almennu byggisamtyktini um sertaka byggidsamtykt, so hon ikki er galdandi fyri sundurbýti og samanlegging av matriklum.

Tað hevur býráðið samtykt. 

Mariukirkjan skal latast katólska kirkjuliðinum í Føroyum. 

Heilbrigdi ætlar at keypa Kerit.