Smyril skal hava stórar umvælingar

Næsta heyst skal Smyril til 20 ára klassing, og roknast kann við, at hann tá fer í dokk í upp til átta vikur.

Tá skulu tríggir hjálparmotorar skiftast, og tvær síðuskrúvur skulu eisini setast í skipið.

Tað verður arbeitt við at finna eitt avloysaraskip til Smyril, meðan hann er í dokk, men tað er ikki so lætt at finna júst tað skipið, sum hóskar til tørvin.

Í fíggjarlógaruppskotinum, sum varð lagt fram í dag, eru 131,5 milliónir í løgujáttan til Strandferðsluna - har av 111,5 milliónir skulu brúkast til Smyril.