Leingja avtalu um barnaansing á Tvøroyri

Fámjins, Hovs og Tvøroyrar kommuna leingja avtaluna um barnaansing á Tvøroyri. Sostatt kunnu børn úr Fámjin og Hovi framvegis ganga í dagstovninum Mýrifípuni á Tvøroyri.

Tvøroyrar kommuna gjørdi annars greitt í summar, at hetta ikki fór at bera til vegna plásstrot.

Men sambært Kristini Michelsen, borgarstjóra í Tvøroyrar kommunu, eru nakrar flytingar gjørdar, sum gera, at til ber at leingja avtaluna.

Jóanis Lisberg

Jóanis Lisberg.

Jóanis Lisberg, borgarstjóri í Fámjins kommunu, fegnast um, at børn í Fámjin eru tryggjað ansingarpláss á Tvøroyri:

Ætlanin er at útbyggja Mýrifípuna, sigur borgarstjórin á Tvøroyri.

Tað, sum verður bygt aftrat, skal fella inn í landslagið, og Brim arkitektar, sum teknaðu upprunaliga bygningin, eru bidnir um at standa fyri hesum.