Nógv verður bumbað í Libanon

Nógv verður bumbað í Libanon
Hezbollah-rørslan hevur skotið 130 rakettir inn í Ísrael, og Ísrael hevur bumbað nógvar Hezbollah-støðir í Libanon
Bumbað er sunnarlaga í Beirut.
Mynd: Louisa Gouliamaki/Reuters/Ritzau Scanpix  
 
06.10.2024 - 10:30

Iranskt-stuðlaða Hezbollah-rørslan í Libanon hevur framt raketálop á Ísrael, stendur í fráboðan frá ísraelsku verjuni IDF.

Sambært fráboðanini, sum kom í gjárkvøldið, skeyt Hezbollah 130 rakettir inn í Ísrael. 

Eisini seinastu dagarnar hevur Hezbollah skotið fleiri rakettir inn í Ísrael.

IDF sigur, at ísraelska verjan heldur fram við sínum álopum á Hezbollah, og at endamálið er at gera Hezbollah veikari og reka uppreistrarherin út um markið.

Í Beirut skakaði ein ógvuslig spreinging libanska høvuðsstaðin Beirut í morgun.

Tað skrivar Reuters.


Daiyeh-læran

Sambært korrespondentinum hjá danska TV2, Rasmus Tantholdt, er strategiin hjá Ísrael at troytta fólk við áhaldandi at leypa á við bumbum, og eisini at troytta fólkið, so at tey venda sær ímóti Hezbollah - sonevnda Daiyeh-læran.

- Vit sóu tað sama í 2006. Tá var hendan Daiyeh-læran nýggj. Endamálið er at bumba so nógv, og á tann hátt at troytta fólk, soleiðis at fólkið vendir sær móti Hezbollah, sigur Rasmus Tantholdt.

Dariyeh er eitt øki í sunnara parti av Beirut.

Er kopiera
Nýggjastu sendingar í ÚV
Sunnudag 23. februar
Kallið: "Eg varnaðist, at deyðin var har".
188104
Leygardag 22. februar
Jambalaja - 220225
188155
Leygardag 22. februar
Upp á tá - 210225
188152
Leygardag 22. februar
Vikan 22. februar 2025
188150
Nýggjastu sendingar í SV
Sunnudag 23. februar
3-2
188163
Leygardag 22. februar
Steypafinalan hjá kvinnum: Neistin - Kyndil
188160
Leygardag 22. februar
Dagur og vika - teknmálstulkað
188151
Fríggjadag 21. februar
Tróndur og Kári
187878
Fríggjadag 21. februar
Dagur og vika - teknmálstulkað
188097