Frítekst tagging:
- Tíðindi, mentan og ítróttur
Landsstýrismálanevndin farin á fund
Landsstýrismálanevndin farin á fund
Nevndin viðger bæði svarið frá Ingilín D. Strøm, landsstýriskvinnu, og klaguna um Dennis Holm, landsstýrismann
Landsstýrismálanevndin fór á fund klokkan 14.
Mynd: Bjarni Árting Rubeksen
10.10.2024 - 15:11
Klokkan 14 fór landsstýrismálanevndin á fund at viðgera svarið, hon fekk frá Ingilín D. Strøm, landsstýriskvinnu, um fyribilsniðurstøðuna hjá nevndini.
Svarið er 36 síður.
Fyribilsniðurstøðan er tann sama sum hjá Landsgrannskoðanini, hon er, at nógvar og týðiligar ábendingar eru um trupulleikar við langtíðarhaldførinum hjá Húsalánsgrunninum.
Ingilín D. Strøm segði í løgtinginum, at hon ongar ábendingar hevði um, at trupulleikar vóru við langtíðarhaldførinum.
Hans Jacob Thomsen, formaður í landsstýrismálanevndini. (Mynd: Bjarni Árting Rubeksen)
Klaga um Dennis Holm
Á skránni hjá landsstýrismálanevndini er eisini hin klagan, sum nevndin hevur.
Hon er um landsstýrismannin Dennis Holm.
Har hevur nevndin ikki gjørt fyribilsniðurstøðu enn.
Dennis Holm hevur latið 35.000 tons av svartkjafti sum felagskvota við hámarki, og fyrrverandi starvsfelagi hansara, Árni Skaale kærdi hann fyri tað.
Bárður á Steig Nielsen, limur í landsstýrismálanevndini. (Mynd: Bjarni Árting Rubeksen)
Hanna Jensen á veg á fund í landsstýrismálanevndini. (Mynd: Bjarni Árting Rubeksen)
Er kopiera
Nýggjastu sendingar í ÚV
Nýggjastu sendingar í SV
