Nobel-friðarheiðurslønin í ár latin japanskum felagsskapi

Nobel-friðarheiðurslønin verður í ár latin japanska felagsskapinum Nihon Hidankyo. 

Felagsskapurin er mannaður við teimum, sum yvirlivdu kjarnorkuspreingingarnar, sum løgdu Hiroshima og Nagasaki í oyði undir Seinna heimsbardaga.

Tað boðaði Nobel-nevdin frá á tíðindafundi í Oslo í dag.

Nihon Hidankyo upplýsir um ógvusligu avleiðingarnar, sum kjarnorkuvápn kunnu hava fyri menniskju og alt samfelagið.

Felagsskapurin fær Nobelfriðarheiðurslønina fyri átakið at rudda heimin fyri kjarnorkuvápn, og gjøgnum tey, sum yvirlivdu Hiroshima og Nagasaki, at vísa, at kjarnorkuvápn ongantíð eiga at vera brúkt aftur.

Nobelnevndin lýsir vitnisfrágreiðingarnar frá teimum, sum yvirlivdu, sum 'eindømi í størri samanhangi'.

Í fráboðan skrivar nevndin, at 'hesi søguligu vitni hava viðvirkað til og styrkt eina breiða mótstøðu móti kjarnorkuvápnum um allan heim við at siga frá sínum upplivingum, skipa upplýsingarátøk við støði í egnum upplivingum, og við at ávara um at brúka kjarnorkuvápn.

Kjarnorkuvápn eru ikki nýtt í kríggi í nærum 80 ár. 

286 vóru í uppskoti til friðarheiðurslønina í ár.