Hanni Bjartalíð hevur skapt nakað heilt serligt

Hanni Bjartalíð, myndlistamaður, fekk Mentanarvirðisløn landsins 2024 handaða frá Sirið Stenberg, landsstýriskvinnu í mentamálum. 

"Tað, ið tú hevur skapt, er nakað heilt serligt," staðfestir Jan Andersson frá Steinprenti í kvøðu til Hanna Bjartalíð, myndlistamann. 

Jan Andersson, sum fyrstu ferð hitti Hanna Bjartalíð í 1999, vísir á, at Hanni Bjartalíð hevur staðið fyri sjey ella átta serframsýningum í Steinprenti, ið hava fevnt sera víða. Málningalist, installatiónir, ljós, steinprent, relief og annað. 

"Tað, ið tú skapar, er nakað heilt, heilt serligt."

"Tað hevur verið ein stór gáva, at verið partur av tí verki, ið tú hevur givið okkum,"

Jan Andersson, Steinprent

Endurnýtsla er ein týðandi partur av listini hjá Hanna Bjartalíð, leggur Jan Andersson afturat. 

"Tá tú (Hanni, red.) arbeiðir við træi, so finnur tú ofta tilfarið á byggiplássum ella í ruskbingjum. Bara tað, at tað eru sovorðin funnin ting, ið hava eitt patina, gevur listini nakað heilt serligt."

"Tað hevur verið ein stór gáva at verið partur av tí verki, ið tú hevur givið okkum," sigur Jan Andersson frá Steinprenti at enda. 

Jan Andersson, Steinprent

Jan Andersson frá Steinprenti (Mynd: Bárður Thomsen)