Omanlop á Tjørnuvíkarvegnum

Tað er ikki koyrandi á Tjørnuvíkarvegnum í morgun.

Um 7 tíðina í morgun kundi løgreglan siga frá einum omanlopi á Tjørnuvíkarvegnum, sum steingir vegin. Lopið er í Líðini, sigur vakthavandi á løgreglustøðini í Havn, og tað er tann parturin av Tjørnuvíkarvegnum, sum gongur frá gjónni, sum er umleið hálvan vegin niðan úr Tjørnuvík, og niðan á slætt.

Løgreglan visti eisini at siga, at Landsverk hevur fingið boðini og var tá á veg á staðið við maskinu at rudda grótið burtur.

Tað hevur annars verið rættiliga nógvur vindur í nátt, men tíbetur hevur løgreglan ongar fráboðanir fingið um skaðar.