Í morgin byrjar haruskjótingin

Harutíðin byrjar í morgin.

Loyvt er at skjóta haru í tíðini 2. november til 31. desember, báðir dagar eru íroknaðir.

Harur mugu bara skjótast í dagsljósi gerandisdagar, og loyvt er bert at brúka høglbyrsu.

Sambært frágreiðingini “Haruveiðan í Føroyum 2023”, sum Eyðfinn Magnussen, lívfrøðingur, gjørdi, vóru 5.300 harur skrásettar at vera skotnar í fjør.

Harutúrarnir vóru 556 í tali í 264 hagapørtum.