Vilja gera ættleiðingaravtalur við øll Norðurlond

Mikudagin fer løgtingið at viðgera broytingar í lógini um ættleiðing.

Landsstýrið vil sleppa at gera avtalur um ættleiðing við øll Norðurlond og ikki bara við Danmark, sum galdandi lóg sigur.

16. januar boðaði felagsskapurin Danish International Adoption, DIA, frá, at tey fara at gevast við at miðla altjóða fremmandaættleiðingar. 

DIA er einasti felagsskapur í Danmark, sum miðlaði ættleiðingar í Danmark og harvið eisini í Føroyum.

Fyribils staðseting

Uppskot er eisini um fyribils staðseting hjá barni, sum verður ættleitt uttan samtykki.

Endamálið við tí er at tryggja, at føroyingar kunnu greipast við eitt barn, sum er føtt í ríkinum og leysgivið til ættleiðing, tað sum eitur innanlands fremmandaættleiðing. 

Fylgibroytingar vera gjørdar í foreldramyndugleikalógini, so tey, sum barnið fyribils verður staðsett hjá, fáa foreldramyndugleikan, so leingi barnið fyribils er staðsett.

Tingfundur í dag

Tingfundur er í dag klokkan 13. 

Bara framløga er á skránni.