Eldurin á Stykkinum í Landsrættinum í dag

Eldurin á Stykkinum í september 2021 verður viðgjørdur í Landsrættinum í dag.

Ein maður fyrst í tjúgunum fekk í Føroya rætti hálvt annað ára treytaleysa fongsulsrevsing fyri eldáseting.

Eldurin gjørdist so mikið stórur, at hann festi í eini grannahús. 

Bæði húsini fingu stóran skaða.

Setti eld á bil

Maðurin var eisini funnin sekur í at hava sett eld á ein bil sama kvøldið sum eldurin var á Stykkinum.

Men ta avgerðina hevur hann skotið inn fyri Landsrættin, tí hann sigur, at hann ikki hevur sett eld á nakran bil.

Ein annar maður, eisini fyrst í tjúgunum, var ákærdur og dømdur, men fríkendur fyri eldáseting. 

Ta fríkenningina hevur ákæruvaldið skotið inn fyri Landsrættin.

Innbrot og harðskapur

Ákæruvaldið heldur uppá, at hann hevur viðvirkað til eldáseting.     

Maðurin fekk annars tríggjar mánaða treytaða fongsulsrevsing fyri innbrot og eitt harðskapsmál.

Hann skal, sambært dóminum, eisini gera 80 tímar samfelagstænastu.