Atfinningar at linjuføringini eru vælkomnar

Fleiri fólk á Sandoynni og Suðuroynni hava verið frammi og funnist at, hvussu ætlanin er at leiða ferðsluna av einum møguligum Suðuroyartunli millum annað gjøgnum Sands bygd.

Og tey eru als ikki nøgd við ætlanina. 

Ein av teimum, sum hevur funnist at ætlanini er Heri Sverrason, borgarstjóri á Sandi.

Ein annar er Marianna Vang Simonsen.

Tey finnast bæði at landsstýrinum, at atlit als ikki eru tikin við í ætlanina hvussu ein møgulig ferðsla fer at gera seg inn á sera náttúruvakra økið á Sandi.

Aksel V. Johannesen sigur at Sands kommuna fær longri hoyringarfreist, so at allar viðmerkingar kunnu koma við.