Forkvinnan í Samfylkingini stendur á odda fyri samgongutingingum

Kristrún Frostadóttir, forkvinna í íslendska javnaðarflokkinum, Samfylkingini, fer at standa á odda fyru samráðingunum í Íslandi um at skipa nýggja stjórn.

Samfylkingin gjørdist størsti flokkur á altingsvalinum leygardagin. 

Í gjár hitti forsetin, Halla Tómasdóttir, forfólkini í politisku flokkunum, sum hava sæti í altinginum, fyri at vita, hvønn tey vísa á at fáa litið upp í hendur at skipa stjórn.

Tey flestu vístu á Kristrún Frostadóttir, og í morgun kunnaði íslendski forsetin hana um avgerðina.

Hoyr Boga Águstsson, tíðindamann í íslendska kringvarpinum:

Skipa hesir tríggir flokkarnir, Viðreisn, Flokkur fólksins og Samfylkinginí samgongu, fær hon 36 sessir í altinginum, og tað er lutfalsliga stórur meiriluti. 

63 sessir eru í altinginum.

Kristrún Frostadóttir hevur boðað forkvinnunum í hinum báðum flokkunum til fundar seinnapartin.