Marita Sumberg eisini næstu fýra árini

Tað var annars Hans Jákup Kallsberg, ið fekk flestar atkvøður, 46, á einasta listanum, ið stillaði upp.

Marita Sumberg var næst og fekk 44.

Kortini varð Marita Sumberg vald, tá ið bygdaráðið skipaði seg á fundi í gjárkvøldi.

Á fundinum í gjár vóru tvey uppskot til borgarstjóra: Hans Jákup Kallsberg og Marita Sumberg. 

Hans Jákup Kallsberg fekk tvær atkvøður, meðan Marita Sumberg fekk tríggjar atkvøður, og hon er sostatt vald.

Hans Jákup Kallsberg varð valdur til varaborgarstjóra.