Simba skal vísa børnum vegin

Barna- og juniorarbeiðið hjá Kirkjuligu Heimamissiónini hevur fingið nýggjan samleika, og tað merkir, at bæði navn og búmerki er nýtt.

Nýggja felagsnavnið fyri alt barna- og juniorarbeiðið er Simba.

Við nýggja samleikanum ynskir Kirkjuliga Heimamissiónin at styrkja virksemið millum børn og juniorar í Føroyum.

Simba ynskir, at øll børn skulu læra størsta barnavinin, Jesus, at kenna.

Simba ynskir, at barnið verður lært upp í tí kristiliga barnalærdóminum og styrkt í trúnni.

Simba ynskir at vekja upp ábyrgd og kall ímillum leiðarar í øllum barna- og juniorarbeiði.

Simba ynskir, ígjøgnum sunnudagsskúlan, juniorarbeiðið, barnaringar, barnakór, barna- og juniorlegur, at liva visjónina: Jesus er besti vinur barnanna.

Simba ynskir at læra barnið bæði sjálvt at taka ímóti, og at geva gleðiboðini víðari um Jesus sum heimsins frelsara, heilt út til ytstu endamark á jørðini.

Simba ynskir at møta børnunum, har tey eru, og bjóðar ymisk konsept fram, so sum sunnudagsskúlar, juniorbólkar, tannáringavikuskifti og legur.