Nógv verður á skránni í Varpinum komandi mánaðirnar

Regin Smiður, sum Sunleif Rasmussen hevur skrivað, hevur verið ein spennandi avbjóðing hjá okkum, sigur Annfinnur Heinesen, og alt hevur riggað sum tað skuldi, samstundis sum afturmeldingarnar hava verið sera góður.

Og komandi mánaðirnar verður nógv á skránni. Leygardagin verður eitt sera fjølbroytt tiltak á skránni, sum ber heitið "Ein dýrabærur dropi í tíðarhavinum - Hilda sjeyti - 40 ár í Afrika".

Frá mánadegnum 13. til sunnudagin 19. januar verður barnafilmsfestivalur í Varpinum, og tá verður eitt nú høvi at síggja Klintrimús og hini dýrini í Valbakkaskóginum.

Eisini verður konsert við Oddur Joensen Trio, høvið verður at síggja barnaleikin "Hevur tú sæð Carmen" við íblásturi úr kendu operuni Carmen eftir Bizet, Føroya Symfoniorkestur fer eisini á pall í Varpinum fyri fyrstu ferð, og FMA 2025 fer eisini at verða sent beinleiðis úr Varpinum.

Tú kanst hoyra samrøðuna við Annfinnur Heinesen her!