Posta skal ikki niðurlagast

Hóast privatar flutningsfyritøkur nú kenna sviðan av, at fíggjarliga grundarlagið undir Posta hvørvur, so skal Posta ikki niðurlagast. Tað sigur Bjarni Kárason Petersen, landsstýrismaður í lógarmálum. Heldur skal Posta tillagast nýggja veruleikan, nú brøv og bløð eru um at fara í søguna. Hóast grundgevingarnar fyri, at Posta enn skal vera til og vera undir almennum ræði, vikna, so hevur Posta enn eina postútberingarskyldu, sum er ásett við lóg.