Burðaravlopið tað minsta síðani 1985

Burðaravlopið í fjør var tað minsta síðani 1985, tá farið var at gera upp burðaravlopið í Føroyum.

Tað var 140 í fjør, skrivar Hagstovan.

Í 2024 vóru 586 børn fødd, tólv fleiri enn í 2023. Men 446 fólk doyðu í fjør, 33 fleiri enn í 2023. 

Burðaravlopið, sum er munurin millum fødd og deyð, var tí bara 140 í 2024. 

1.500 fólk fluttu til Føroya

Okkurt um 1.500 fólk fluttu til Føroya í 2024, sløk 250 færri enn í 2023. 

Okkurt um 1.350 fólk fluttu úr Føroyum í fjør, sløk 200 færri enn árið fyri. 

Av tí at tilflytingin minkaði meira enn fráflytingin, gjørdist nettoflytingin minni í 2024 enn í 2023. 

Nettoflytingin er munurin millum tilflyting og fráflyting. 

Burðaravlopið og nettoflytingin fyltu á leið hvør sína helvt av fólkavøkstrinum í 2024 skrivar Hagstovan.

Fólkatal 2024

292 fólk fleiri

Við ársbyrjan búðu 54.684 fólk í Føroyum. 

Fólkatalið vaks 292 fólk, hálvt prosent, í 2024. 

Vøksturin var minni enn í 2023, tá hann var 0,7 prosent.