- Tíðindi, mentan og ítróttur
Langt er millum partarnar
Langt er millum partarnar
Heilsuhjálparafelagið og KAF hava sent boð eftir Semingsstovninum. Samráðst hevur verið í fýra mánaðir uttan úrslit
Mary Antonsdóttir er forkvinna í Heilsuhjálparafelagnum.
05.03.2025 - 13:08
Samráðingarnar millum Heilsuhjálparafelagið og Kommunala Arbeiðsgevarafelagið slitnaðu fyrrapartin, og partarnir hava heitt á Semingsstovnin um at koma uppí.
Langt er millum partarnar, sum hava samráðst í fýra mánaðir. Sáttmálin fór úr gildi 1. oktober.
Eftir 11. samráðingarfundin staðfestu partarnir, at teir koma ikki víðari í samráðingunum.
Mary Antonsdóttir, forkvinna í Heilsuhjálparafelagnum, sigur, at bæði løn og arbeiðsviðurskifti skilja partarnar.
Per Martin Gregersen er formaður í KAF. (Mynd: Bjarni Árting Rubeksen)
Per Martin Gregersen, formaður í KAF, sigur, at felagið hevur víst á, at lønarlyftið er ikki partur av samráðingunum við Kommunala arbeiðsgevarafelagið. Tað er komið frá landsstýrinum.
Ósemja er eisini um lønarkarmin, sigur Per Martin Gregersen.
Hoyr innslag í útvarpstíðindunum:
05042025_Mary_og_Per_Martin
Er kopiera
Nýggjastu sendingar í ÚV
Nýggjastu sendingar í SV
