Yvirlitstroling eftir botnfiski

Endamálið er at fáa til vega taltilfar, ið skal nýtast í stovnsmetingunum av toski, hýsu, upsa, longu og gulllaksi og øðrum fiskasløgum.

Talan er um veiðu í vekt og í tali, longdarbýti, vektbýti, aldursbýti, kynsbýti og kynsbúning av nevndu sløgum.

Eisini skal vekt, tal og longdarbýti skrásetast fyri øll fiskasløg, ið verða veidd, og somuleiðis skulu magakanningar gerast av toski, hýsu, upsa, longu og gulllaksi.

Túrurin hjá “Jákup Sverra”, sum byrjaði mikudagin, endar um hálvaaðru viku, mikudagin 19. mars, skrivar Havstovan á heimasíðu síni.