Arvaði sjófeingislógina - tekur undir við broytingunum

Lógaruppskotið um broytingar í sjófeingislógini hevur verið til 1. viðgerð í løgtinginum, og er nú í vinnunevndini. 

Síðani uppskotið bleiv lagt fram, hevur útskifting verið í landsstýrissessinum í fiskivinnumálum, har Jóhan Christiansen hevur avloyst Dennis Holm. 

Jóhan Christiansen tekur undir við broytingaruppskotinum og vísir á, at meginparturin av lógini eisini er nakað, sum verandi andstøða longu hevur samtykt.

Í galdandi lóg stendur, at útlendskur ognarskapur í fiskivinnuni skal vera burtur í 2032. Í broytingaruppskotinum verður lagt aftrat, at tað heldur ikki skal bera til hjá útlendingum at koma inn í fiskivinnuna eftir 1. juli í ár. Og tað heldur Jóhan Christiansen vera skilagott.

Hoyr innslag í útvarpstíðindunum: