- Tíðindi, mentan og ítróttur
Mjølnir vann gull eftir hvøkk
Mjølnir vann gull eftir hvøkk
Í steypafinaluni hjá monnum var Mjølnir stórfavorittur, men Fleyr loypti kortini hvøkk á. Klaksvíkingarnir vóru kortini kaldari og slóðu enn eitt steypagull norður
Flogbóltssamband Føroya
Menninir hjá Mjølni livdu upp til vónirnar, men Fleyr loypti eisini hvøkk á
28.04.2025 - 10:12
Ítróttahøllin Inni í Dal (Bónus-steypakappingin, finala)
Mjølnir - Fleyr, 3-2 (25-17, 25-18, 15-25, 23-25, 15-6)
Tað var ein gyltur dagur fyri Mjølnir, tá bæði kvinnu- og mansliðið hjá felagnum vunnu steypafinalurnar, sum vóru í ítróttarhøllini Inni í Dal í Sandoynni í gjár.
Hjá monnum var Mjølnir favorittur ímóti Fleyr, sum eitt sindur óvæntað hevði sent SÍ úr steypakappingini í hálvfinalunum. Tað livdu norðingarnir upp til, men fimm sett skuldu kortini til.
Mjølnir vann tvey tey fyrstu trygt, men Fleyr svaraði aftur við at vinna 3. og 4. sett og javna. Í javnbrótaranum var tó eingin ivi: Mjølnir vann 15-6, og tryggjaði felagnum annað steypagullið á degnum.
Hetta vóru síðstu dystirnir í heimligum flogbólti í ár.
Er kopiera
Nýggjastu sendingar í ÚV
Nýggjastu sendingar í SV
