Heilivágur upp á borg

Fólk, sum brúka dýran heilivág, fara seinni í ár at sleppa undan at skúla gjalda alt í einum.

Tey fáa, sambært uppskoti um kunngerð, kreditt fyri egingjaldið til heilivág.

Ætlanin er, at fólk fáa møguleika at rinda egingjaldið í pørtum javnt býtt út á tilskotsárið.

Mánaðarliga gjaldið verður ein 12.part av egingjaldsloftinum.  

Fólk, sum fáa tilskotsheimilaðan heilivág, kunnu søkja um at koma í nýggju skipanina á Vanganum ella á apotekinum. 

Nýggja skipanin skal koma í gildi 1. september í ár.