- Tíðindi, mentan og ítróttur
Stoltenberg biður um umbering
<div>Norski forsætisráðharrin, Jens Stoltenberg, biður nú um umbering fyri, at tað ikki eydnaðist at steðga Anders Behring Breivik, áðrenn hann drap 77 fólk 22. juli í fjør.</div><div><br></div><div>Fyrrapartin hevur Stoltenberg gjørt viðmerkingar í Stórtinginum til lemjandi atfinningarnar hjá 22. juli-nevndini móti norsku tilbúgvingini og mynduleikunum. Jens Stoltenberg ásannar, at nevndin hevur avdúkað mistøk, brek, vantandi mannagongdir, skipanir, sum sviku, og skeivar niðurstøður, sum vóru gjørdar bæði undan og aftan á drápini lagnudagin í fjør.</div><div><br></div><div><b>Kundi verið steðgaður</b></div><div><br></div><div>- Drápsmaðurin kundi verið steðgaður fyrr. Tað varð hann ikki. Størri tilbúgving átti at verið sett í verk. Tað var ikki gjørt. Og Grubbegata átti at verið stongd. Tað var hon ikki, viðgekk Stoltenberg.</div><div><br></div><div>Grubbegata er gøtan, sum gongur inn til stjórnarbygningarnar, har Breivik legði eina bumbu, sum drap átta fólk. Stoltenberg ásannaði, at tað ber ikki til at rættað gjørd mistøk.</div><div><br></div><div>- Men vit kunnu læra av fortíðini og viðganga, at vit gjørdu mistøk, og gera tað, sum skal til fyri at skapa eina tryggari framtíð.</div><div><br></div><div><b>Betri tyrlutilbúgving</b></div><div><br></div><div>Millum annað fer Stoltenberg at taka stig til eina betri tyrlutilbúgving.</div><div><br></div><div>Eftir drápini á Utøya varð serliga funnist at politinum fyri ikki lata tyrlur fara á flog nógv fyrr, meðan Breivik í úti við ein tíma gekk runt á oynni og skeyt frá hond. 69 ungfólk lótu lív á Utøya áðrenn tað eydaðist politinum at steðga Anders Bering Breivik</div><div><br></div>
