Samráðast nú um løn í útbúgving

Hóast lógin kom í gildi 1. mai, er, sum skilst, enn langt á mál til tey, sum taka heilsuhjálparaútbúgving, heilsurøktaraútbúgving og námsfrøðiliga hjálparaútbúgving fáa løn, meðan tey eru í heilsuskúlanum.

Men Heilsuhjálparafelagið, Heilsurøktarafelagiðið og Pedagogfelagið hava verið á samráðingarfundi um lønina við Kommunala arbeiðsgevarafelagið og Fíggjarmálaráðið.

Heilsuhjálparafelagið sigur, at fundurin, sum var mánadagin, er at meta sum hugarok, har fyrimunir, loysnir og vansar vóru umrødd, umframt sjálva lønina.

Enn eru nógvir leysir endar sum at fáa gjørt kunngerð, útbúgvingarsáttmála og ein leist fyri, hvussu útbúgvingarnar skulu skipast.

Teir endarnar skal Barna- og Útbúgvingarmálaráðið knýta, sigur Heilsuhjálparafelagið.

Næsti samráðingarfundur verður 10. juni.