Helgi Winther Olsen vann Leif Mohr Kring Føroyar

Helgi Winther Olsen vann súkklukappingina Leif Mohr Kring Føroyar, sum endaði við seinasta teininum í Havn í gjár.

Við tí vann Helgi sín triðja tein eftir at Niklas H. Niclassen hevði vunnið triðja og fjórða tein í kappingini.

Tá saman um kom, vann Helgi Winther Olsen við trimum minuttum og seks sekundum aftur til Niklas H. Niclassen og sløkum níggju minuttum aftur til Paula Poulsen.

Samanlagt brúkti Helgi Winther Olsen sjey tímar, 38 minuttir og 13 og eitt hálvt sekund um teinin.

Hjá kvinnunum var Súsanna Skylv tann einasta, sum súkklaði allar teinarnar, og tí vann hon hjá kvinnunum.

Hon brúkti sjey tímar, 52 minuttir og 42,5 sekund um teir fimm teinarnar, sum var fimta besta tíð av øllum.