Nýggjur fíggjarstjóri í Atlantic Airways

Høgni Olsen er settur sum nýggjur fíggjarstjóri í Atlantic Airways.

Hann tekur við eftir Marius Davidsen, sum nú er farin frá fyri aldur. 

Marius Davidsen hevur tilsamans arbeitt 37 ár í Atlantic Airways. Hann byrjaði sum roknskaparleiðari í 1988. 

Í 1993 gjørdist hann varastjóri, og seinastu 20 árini, t.e. síðani juni 2005, hevur Marius Davidsen verið skrásettur fíggjarstjóri í felagnum.

Í sambandi við fíggjarstjóraskiftið verður móttøka fríggjadagin 6. juni kl. 13-15 á Hotel Vágum, skrivar Atlantic Airways.