Havnar Róðrarfelag: Ovurstórur áhugi at rógva

Tað gongur væl í Havnar Kappróðrarfelag fyri tíðina. So mikið væl, at felagið ikki hevur bátar til øll, sum vilja rógva.

 - Vit royna at skapa trivna í felagnum. Vit eru saman alt árið. Ikki bara nú, tá kappingar eru, og tað dregur fólk, sigur Bjarti Mohr, formaður.

Í sundalagsstevnu vóru ikki færri enn 16 bátar við drekastevni. 

 - Í ár settu vit ein stoppara í. Nú tóku vit ikki fleiri fólk inn. Tað vóru faktiskt fleiri, sum bóðu um pláss, sum ikki fingu pláss, fortelur formaðurin.

 - Har eru eisini tvey onnur feløg har suðuri, Á Argjum og knørrafelagið, so tað er gott, at tað er eitt sindur til tey eisini, sigur Bjarti Mohr.

Umstøðurnar í Álakerði og nýggja 10-mannafarið hava givið Havnar Róðrarfelag eitt "kick", heldur formaðurin eisini.