Gjøldini óbroytt í nógv ár

Gjøldini óbroytt í nógv ár
Kommunurnar hava ikki biðið landsstýrið um at broyta gjøldini fyri havnarloðsing 
Loðsbátur.
 
20.06.2025 - 06:58

Kommunurnar hava ikki biðið landsstýrið um at broyta gjøldini fyri havnarloðsing. 

Tey eru frá 2013 og vera ikki prístalsviðgjørd. 

Skulu gjøldini broytast, má kunngerðin um tey broytast.

Hon var broytt í 2019.

Broytingarnar tá vóru millum annað um gjald fyri at brúka loðsbát, tí ein lóg krevur tað.

Tað sigur Sirið Stenberg, landsstýriskvinna, í svari til Helga Abrahamsen, løgtingsmann.

Kommunurnar ikki gjørt vart við seg

Hon sigur, at kommunurnar, sum umsita loðsgjaldið, hava ikki víst á, at gjaldið ikki fíggjar loðsskipanina.  

Sum skilst kostar loðsing nógv meira í Noregi, Danmark, Íslandi og Svøríki enn í Føroyum.

Sirið Stenberg sigur, at Skipara- og navigatørfelagið sigur, at loðsgjøldini eru ov lág.

Hon fer at biðja umsitingina hjá sær venda sær til kommunurnar at umrøða gjøldini. svarar hon. 

Loðslógin og kunngerðin um gjøld fyri loðsing forða ikki fyri, at lønirnar hjá loðsum vera ásettar í sáttmála á arbeiðsmarknaðinum, sigur landsstýriskvinnan eisini.


 

Er kopiera
Nýggjastu sendingar í ÚV
Mánadag 16. november
Norðurljóð 16.november 2026
215027
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Nýggjastu sendingar í SV
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti
216442
Sunnudag 15. november
Eitt dýpi av dýrari tíð 2:2
216214