Fjarðastevna við FM kappróðri og øðrum verður um vikuskiftið

Leygardagin verður FM kappróður á Skála; hann byrjar við barnaróðuri klokkan 13 og kappróðri fyri vaksin klokkan 15. Leygarmorgunin frá klokkan 9:30 til 11 verður boðið til ókeypis morgunmat í bygdarsalinum í høllini á Skála, har ið Fjarðastevnan eisini verður sett leygarmorgunin klokkan 10. Tóra Joensen setur stevnuna. Frá klokkan 11 til 12:30 verður gongutúrur við Tummasi Jacobsen.

Ymiskt annað verður eisini á skránni. Fríggjakvøldið verður stevnudystir millum Skála ÍF og EB/Streym, stevnukonsert í Skála kirkju við Magna Christiansen, og Pub Quiz í bygdarsalinum í høllini á Skála.

Í samrøðuni við Hansu Heðinsdóttir Ellefsen verður eisini nomið við nýstovnaða trivnaðarfelagið Sæla og hvønn týdning felagið kann fáa fyri bygdina.

Skráin fyri fjarðastevnuna kann síggjast á runavik.fo, og samrøðan við Hansu Heðinsdóttir Ellefsen kann hoyrast her!