Spent at síggja dóttrina bera vatnið fyri Føroyar

"Vit eru her, tí dótturin skal bera vatnið fyri Føroyar. Tað sigur Kristina Poulsdóttir Matras, sum er mamma yngsta føroyska íðkaran. 

Familjan er serliga spent til setanina av leikunum av somu orsøk.

13 ára gamli fimleikarin úr Streymnesi fær heiðurin at bera føroyska vatnið til oyggjaleikasetanina. Har fer hon saman við íðkarum úr hinum oyggjunum at lata vatnið í eitt felags kar, sum siðvenja er.

Næstu vikuna kappast 1600 íðkarar í 13 ymiskum ítróttargreinum. Føroyar kappast í átta teirra.