Sjóverjan er í hølunum á Melkart-2

Hóast Melkart-2 kom vestanífrá, so er hann nú eystan fyri oyggjarnar. Hann helt seg uttan fyri 12 fjórðinga markið norðanfyri, og er í morgun komin inn um markið eystanífrá.

Lítil megi er á motorunum í løtuni. Melkart-2 hevur eina framdrift uppá tvær sjómíl í løtuni.

Danska verjuskipið, Knud Rasmussen, hevur fylgt við skipinum síðani í gjárkvøldið.

melkartidag.png

Damlar spakuliga
Leivur Janrfoss, sum er til útróðrar við báti sínum, Stíganesi, tók hesa myndina fyri okkum fyri løtu síðani.

- Hann kemur spakuliga damlandi suðureftir og verjuskipið siglir aftan á honum, sigur Leivur Jarnfoss.

Melkart-2 kemur á Klaksvík seinnapartin, har hann skal gera klárt at fara til fiskiskap í føroyskum øki.

Skipið er bannað í ES og Noreg, tí tað er undir illgruna fyri fíggindaligt sinnað virksemið.

Sirið svarar seinni
Sirið Stenberg, sum í løtuni er á ferð úr Ukraina, skrivar í sms boðum, at hon fer at viðmerkja støðuna seinni í dag.