Betri hálvár enn væntað

Føroya banki væntar nú, at ársúrslitið verður betri enn upprunaliga væntað.

Tá árið byrjaði, var metingin 210 til 240 mió. kr.

Nú árið er komið í helvt, er metingin 25 milliónir størri.

Hon er nú 235 til 265 mió. kr.
 
Orsøkin er, at úrslitini hjá Føroya banka ársins fyrstu seks mánaðir eru betri enn upprunaliga væntað.

Umframt góðu gongdina í kjarnuvirkseminum er hálvársúrslitið nógv merkt av góðum tryggingarúrsliti og stakinntøkum frá sølu av bygningi og frá feløgum, sum bankin eigur í, sigur Føroya banki.

Føroya banki kunnger hálvársroknskapin 5. august.