Broytingar í lagi heldur ferðavinnan

Ferðavinnufelagið heldur tað vera í lagi, at gistingargjaldið í lógini um burðardygga ferðavinnu nú skal  eita burðardygdargjald.

Ferðavinnufelagið hevur ongar viðmerkingar um uppskotið hjá landsstýrinum um at broyta lógina um burðardygga ferðavinnu.

Gjaldið verður tó óbroytt, 20 kr. fyri náttina, gist verður í Føroyum, men tó ikki meira enn 200 kr. tilsamans.

Og orðið seglbátar skal broyast til stuttleikabátar.

Neyvari ásetingar

Neyvari ásetingar um avrokning koma eisini.

Ásett verður í broytingaruppskotinum, at burðardygdargjald verður avroknað eina ferð um árið.

Taks fær heimild til at krevja upplýsingar og roknskapartilfar.

Og ásetingar eru um rentu, innheinting, panting og afturhald í inntøku.

Revsiásetingin verður broytt samsvarandi.