Privata eftirlønaruppsparingin 13,7 milliardir í 2023

Privata eftirlønaruppsparingin hjá føroyingum var 13,7 milliardir krónur í 2023. 

Privata eftirlønaruppsparingin í føroyskum pensjónsfeløgum ella peningastovnum var 10,1 milliard í 2023.

6,4 milliardir eru forskattaðar, og 3,6 milliardir skulu skattast við útgjald. 

Harafturat áttu føroyingar privatar eftirlønaruppsparingar í donskum pensjónsfeløgum fyri 3,1 milliard krónur, skrivar Landsbankin.

Tær skulu allar skattast við útgjald. 

Privata eftirlønaruppsparingin svaraði til 49 prossnt av BTÚ í 2023.