Stjórin í Tjóðsavninum: Vit kundu arbeitt skjótari

Herleif Hammer, stjóri í Tjóðsavninum ásannar, at tey kundu havt arbeitt skjótari, nú kirkjuráðið hevur bíðað eftir góðkenning at umvæla túnið í meir enn tvey ár. Eingin kirkjugong er, tí tað er ikki ráðiligt, tá kirkjufólkið dettur av leysum flísum. Kirkjuráðið hevur bíðað eftir góðkenning í meir enn tvey ár og enn ber ikki til at umvæla túnið uttan fyri kirkjuna í Sandvík.

Herleif Hamer vísir á, at manglandi tilfar eisini hevur seinkað arbeiðnum og tað at fleiri enn tveir partar eru í málinum. Tey á Tjóðsavninum eru samd við kirkjuráðnum um at rampa til koyristólar og parkeringpláss skulu gerast, men tey eru ikki komin til eina semju, um hvussu tað skal gerast.