Fýra vikur í varðhaldi aftrat

Ein 36 ára gomul kvinna er í Føroya rætti varðhaldsfongslað í fýra vikur aftrat.

Hon er skuldsett fyri at royna at smugla fýra kilo av hassji og 500 gramm av kokaini til Føroya.

Kvinnan, sum er donsk, kom við Norrønu til Havnar 27. juli.

Treytaleys fongsulsrevsing

Sunnudagin fekk ein maður seks mánaða treytaleysa fongsulsrevsing fyri at hava trý kilo av hassji við sær til Føroya.

Hann var tikin á flogvøllinum um vikuskiftið. Hann játtaði seg sekan og fekk tí straksdóm í Føroya rætti.

Hassjið var fjalt innan fyri fóðrið í kuffertinum hjá manninum.

Maðurin, sum er føroyingur, er 32 ár.