Starvsfólk í Steinatúni skulu møguliga flyta

Starvsfólkini hjá Tórshavnar kommunu, sum arbeiða í Steinatúni, flyta møguliga aðrastaðni.

Bygningurin lekur, og tað er ein avbjóðing, sigur Jóan Petur Hentze, kommunustjóri.

- Nøkur eru, sum ikki tola at vera í bygninginum, og vit fara at finna eina loysn, sigur kommunustjórin.

Seinnapartin í gjár hevði leiðslan fund við deildarleiðarar hjá kommununi.

Í dag verða øll starvsfólkini í gamla bankabyninginum kunnað um støðuna, eins og Pál Weihe, professari í fólkaheilsu, fer at greiða frá, hvørji atlit eiga at verða tikin í slíkum støðum.

Útivið 80 fólk starvast í bygninginum, sum Tórshavnar ommuna keypti frá Føroya Banka, táverandi BankNordik, í 2013.