Landsinnsavningin hjá Reyðakrossi er í dag

Reyðikrossur Føroya hevur avgjørt, at partur av peninginum frá Landsinnsavningini 6.-13. september verður sendur beinleiðis til neyðhjálp í Afganistan. Afganistan er seinastu vikurnar rakt av fleiri hørðum jarðskjálvtunum í landinum. 

Túsundtals fólk hava latið lív ella eru særd, og heilar bygdir eru oyðilagdar. Tørvurin á bráðfeingis hjálp er stórur, skrivar Reyðikrossur.

Hølini hjá Reyðakrossi í Vágsbotni í Havn eru opin frá kl. 10 fram til kl. 16 í dag, og har ber til at koma eftir bússum.