Pólland skotið russiskar dronur niður, sum vóru á veg inn í Ukraina

Í nátt skeyt polska verjan niður fleiri dronur, sum vóru komnar inn í polskt loftrúm. 

Ein av dronunum rakti ein íbúðarhús, skrivar Polsat News, sambært Reuters.

Pólland sigur, at hernaðarflogfør vórðu send avstað, í sambandi við eitt russiskt dronuálop á Ukraina í nátt. 

Eisini varð boðað frá, at nakrar dronur vóru komnar inn í loftrúmið yvir vestara parti av Ukraina, sum vóru á veg móti býnum Lutsk. 

Hernaðarflogfør send avstað

Stutt eftir boðaði pólska verjan frá, at tey høvdu sent hernaðarflogfør á flog fyri at tryggja loftrúmið í landinum.

- Hernaðarflogfør hjá Póllandi og sameindum eru send avstað, og loftverju- og radarskipanir á landi eru í hægstu tilbúgving, boðaði pólska herdeildin frá. 

Sambært tíðindastovuni Reuters var ikki greitt beinanvegin, hvussu nógvar dronur vóru í pólska loftrúminum.

- Støðan er sera spent, sigur trygdargreinarin og fyrrverandi stjórin í fregnartænastuni hjá donsku verjuni, Jacob Kaarsbo, við danska TV2:

Polska stjórnin hevur kallað inn til kreppufund í dag.