Í stríði fyri frælsum og sjálvstøðugum Evropa

- Vit eru í stríði fyri frælsum og sjálvstøðugum Evropa, segði forkvinnan í ES, Ursula von der Leyen, í árligu "Status of the Union" røðu síni.

Røðan í dag í ES-tinginum í Strasbourg var við stóru russisku dronuálopunum á Pólland í gjárkvøldið í huga, tá ið pólska verjan skeyt niður fleiri dronur, sum vóru komnar inn í plskt loftrúm. 

Ein av dronunum rakti einí íbúðarhús, skrivar Polsat News, sambært Reuters.

- Evropa hevur samhuga við Póllandi, segði forkvinnan í ES-nevndini.

Stuðul til Ukraina

Stórur partur av røðuni snúði seg um stuðul til Ukraina og tørvin á at styrkja trygdina í ES.

- Tað snýr seg um at hava frælsi og vald til at avgera okkara egnu framtíð, segði Ursula von der Leyen.

Hon teknaði dapra mynd av gerandisdegnum hjá nógvum evropearum í ivasamari fíggjarstøðu, bústaðarkreppu og kríggi á evropeiska meginlandinum.

Von der Leyen heitti á londini um at standa saman, heldur enn at berjast hvørt ímóti øðrum.